മഴയുടെ ഓര്മ്മകള് ഒരു കാര്മേഘമായ് മനസ്സില് നിറയുന്നു
മഴ എന്റെ മനസ്സില് കുളിരും കിനാവും ,
ഏകാന്ത വീചികളില് കൂട്ടുകാരനും അന്നൊക്കെ ,
ഒരുപാടു നേരം തോരാതെ ആടിയും ഉലഞ്ഞും ,
ഇടയില് ദിക്കു പൊട്ടുമാറു ഇടിമിന്നലയും ,
ആര്ദ്രമാം ഓര്മ്മകള് തൊട്ടുണര്ത്തിയും ,
വെറുതെ വന്നു കണ്ചിമ്മി മറയുന്നു .
മണ്ണിന് മനം പേറി ഏത്തും പുതുമഴ ,
ആര്ത്തലച്ചണയും തുലാ മാസ മഴ ,
ജനല് പാളികള് കുളിര്ക്കും രാത്രിമഴ ,
പിന്നെ ചിലപ്പോള് വേനല് മഴ ,
മഴ – ഒരു അവിസ്മരണീയമാം ആനന്ദം ,
മധുരോധാരമൊരു മൌന സംഗീതം .
പല മഴക്കാലം വന്നു പോയെങ്കിലും ,
ഇനി വരുന്നതും കാത്തിരിപ്പൂ ,
മഴ പെയ്തു തോരുമ്പോള് മരം പെയ്തു കാണുവാന് തൊടിയില് നടന്നും ,
ഇല ചാര്ത്തിലെ മഴവെള്ളം ഉലച്ചു തെറിപ്പിച്ചും ,
ചേമ്പില താളിലെ മഴ മൊട്ടു പൊട്ടിച്ചും ,
ഓര്മയിലെ മഴ , ഓമനയാം മഴ .
കിണര് വെള്ളം പൊങ്ങിയതു കാണുവാന് ഓടിയതും ,
അച്ഛന് വിളിച്ചിട്ട് പുരപ്പുറത്തെ കരിയില വാരിയതും ,
അനുജത്തി കാലിടറി വീണതും ,
പുതുമഴയില് കുമിള് വന്നതും ,
ഓര്ക്കുവാന് ഒരുപാടു ഓര്മ്മകള് തന്നും ,
പെരുമഴക്കാലങ്ങള് പെയ്തു പോകുന്നു .
മാനത്തു മഴവില്ലിന് മന്ദഹാസം ,
താഴത് വീഴും ആലിപ്പഴങ്ങളും ,
മോദത്തില് കളിവഞ്ചി പായിക്കും ബാല്യങ്ങള് ,
കേമത്തില് വിള കൊയ്യും മാനവന് ,
ഇന്നിന്റെ കണ്ണുകള് കൊതിക്കുമീ കാഴ്ചകള് ,
അന്നിന്റെ നല്ലോര്മ്മകള് ആയി മാറി .
അത്തി മരത്തിലെ കുഞ്ഞു കിളിക്കൂടു തകര്ത്തും ,
കുട്ടിക്കിടാവിനെ നനയിച്ചും ,
ഓലപ്പുരയാകെ കുതിര്ത്തും,
നടവഴികള് ഒക്കെയും വെള്ളം നിറച്ചും ,
നേരവും കാലവും ഇല്ലാതെ
ചിന്നിയും ചിതറിയും പെയ്തു മറയും മഴ .
മഴയുടെ പല മുഖം മാനത്തും മണ്ണിലും ,
ചില നേരം വേണ്ടെന്നു പറഞ്ഞു പോകും ,
കര്ക്കിടക മഴ നിര്ത്താതെ പെയ്യുമ്പോള് ,
തീ പുകയാത്ത കുടിലുകള് ഇപ്പോഴും ദൃശ്യം ,
കാലം എല്ലാം മറ്റും എങ്കിലും ,
കലാതീതമാം ഈ മഴക്കാലം .
ജലാശയങ്ങള് പലതു വറ്റി ,
നിളയുടെ ദുഖവും തുടരുന്നു …,
ഇനി വരും മഴയെല്ലാം ഉറച്ചു പെയ്യട്ടെ ,
പാടത്തു വിത്തുകള് മുളക്കട്ടെ,
നാടിന്റെ പഞ്ഞം പോയ് മറയട്ടെ,
മഴ- നീ ഇനിയും വരിക വരിക നല്ല നാളുകള്ക്കായ്.